Asturies


Contactos web:

Blog: asturiesenmarcha.org

Facebook: facebook.com/asturmarchantes

Twiiter: @Asturias22M

Asturies - Cantabria - Castilla León - Noreste- Madrid

13 marzo recogida de viveres para la marcha de Asturies

 

 

 

 

 

 

 

17 Marzo salimos a reencontrarnos en Madrid el 21 marzo

Cartel de la marea pensionista 21M

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

El 21 de Marzu les Marches de la Dignidá vuelven a Madrid pa esixir Pan, Trabayu, Techu y Dignidá.

Les Marches de la Dignidá vuelven a Madrid camín de la Fuelga Xeneral coles mires d’esixir una vida digna. Dende tolos puntos del estáu , movilizaránse columnes de dignidá pa defender el programa del movimientu 22M como pasu previu a la convocatoria de la movilización xeneral d’ochobre concretada nuna Fuelga Xeneral llaboral, de consumu y social.
A un añu de conmemorase la gran manifestación del 22M, qu’aconceyó en Madrid a centenes de miles de persones que reivindicamos una vida digna, la situación nun camudó a meyor y afóndense les consecuencies de los perversos efectos de les llamaes polítiques d’austeridá impuestes pola Troika contra la mayoría social n’España.
La terca realidá desmiente de forma descarnada al gobiernu del Partíu Popular y a los poderes que lu sofiten. La campaña de publicidá pa vendenos la idea de que salimos de la crisis, na que tan empeñaos el gobiernu y los poderes económicu y mediáticu adictos a esti réximen bipartidista monárquicu, dase de focicu cola situación na que atopase güei la mayoría social. A tolos que van darreu los dictaos d’instituciones que nun se sometieron al sufraxu del pueblu: !!!Hai qu’echalos!!!
N’efectu, la tasa de paru (EPA) sigue asitiada nel 24 % de población con más de cinco millones y mediu de persones desemplegaes, la cobertoria de prestaciones a les persones ensin emplégu nun llega al 58 %. Cerca tres millones de persones nun tienen ingresos, situación qu’afecta a más de mediu millón de llares. Los emplegos creaos son precarios y con salarios de miseria polo que güei se ye probe inclusive teniendo emplégu. Nesti sen, la diferencia salarial ente homes y muyeres ye del 24%. El paru xuvenil sigui superando’l 55 % y tolos díis son más los mozos y moces que, como los sos güelos, tienen qu’emigrar pa poder tener el futuru qu’yos niega esti país. Les pensiones pierden poder adquisitivu añu tres d’añu y la so revalorización ye una vergüenza.
Nesta situación económica ye alarmante l’aumentu de la probeza que ya ta nel 30 % la población. Una de cada cinco persones ta en riesgu de probeza severa y d’esclusión social. Esta probeza tien sobre tou cara infantil y de muyer. L’aumentu de la precariedá social, frutu d’estes polítiques de retayos, de la precariedá llaboral y salarial, d’eliminación de drechos y cobertories sociales, aumenta’l númberu de persones afectaes polos desahucios y polo que tien-se dao en llamar probeza enerxética (cortes de los servicios de lluz, agua y gas). Esti iviernu morrieren persones per mor del precariu estáu de los sos llares.
La corrupción y les irregularidaes fiscales roben a les arques del estáu un 5% del PIB, y al pie de ello, la política fiscal beneficia a los que más tienen, recayendo la carga sobre la clas trabayaora y la mayoría social. Güei nel estáu aumenten los millonarios y tamién los probes, engrandándose la fienda social.
Tou ello tien les sos causes na reforma l’ artículu 135 de la Constitución, por aciu el cual hipotécase toa soberanía popular a lo que manden la UE y el BCE, priorizando’l pagu de la delda a los especuladores p’enriba’l bienestar y los drechos de la mayoría social. Ye patente la descomposición del réxime del 78, y de una Constitución que nun reconoz los derechos de los pueblos del estáu y que yá ye papel moyáu nes sos referencies a drechos y deberes.
Ante ello y como respuesta a la movilización social contra estes criminales polítiques, el gobiernu aumenta la represión al pueblu, cola reforma de la Llei de Seguridá Ciudadana y del Códigu Penal, col oxetu amenorgar de drechos y llibertaes y asina callar a un pueblu que sufre y al que tán emprobeciendo como mediu pa la dominación y l’esplotación.
Les Marches de la Dignidá vuelven pidir a la mayoría social y a la clas trabayaora que se movilice, que demuestre na cai que QUEREMOS VIVIR CON DIGNIDÁ, qu’identifiquemos a los culpables d’esta grave ya inxusta situación social y que defendamos el programa de les Marches.
Un programa de mínimos con un gran consensu social y políticu alredor de:

• Non al pagu la delda illegal, ilexitima y odiosa
• La defensa de los servicios públicos pa toos y toes
• Trabayu dignu con drechos y salariu abondu, amenorgamientu de la xornada de trabayu y renta básica
• Pol derechu a decidir de les persones y los pueblos nos aspeutos qu’atañen a la so vida y futuru
• La defensa de los derechos de la muyer y por un futuru pa la nuesa mocedá
• Contra la precariedá llaboral y social, Non a les reformes llaborales
• Contra la represión y contra la Llei Mordaza
• Contra’l TTIP
• Pol derechu a una vivienda digna y non a la corte de los servicios esenciales de lluz, agua y gas
• Non a la OTAN. Non a les guerres

Caminando escontra la Fuelga Xeneral ¡Hai qu’echalos!

Share Button